Ponpen mantentze-lana

  • Home
  • /
  • Ponpen mantentze-lana

Enpresa askok badakite zer nolako aukerak dauden ponpen mantentze-lanerako, eta uste osoa dute Solve IMIn eta antzeko enpresetan, hori egiteko. Gehienetan mantentze-lan zuzentzailea aukeratzen dute beren mantentze-lanaren oinarri gisa. Hain zuzen ere, mantentze-lanetako denboraren eta baliabideen % 90 baino gehiago hutsak konpontzeko erabiltzen da; horren ondorioz kostu ekonomiko handiagoak sor daitezke, ekipoen bizitza erabilgarria labur daiteke eta ekoizpena aurresanezin bihur daiteke.

Instalazioen mantentze-lanak, orokorrean, eboluzio nabarmena dauka gaur egun, batez ere kontrol- eta neurri-ekipoen garapen teknologikoari esker. Profesionalen esku-hartze egokiak azken instalazioan ponpaketa-ekipoen funtzionamendu egokia justifikatzen du alderdi teknikoan eta alderdi ekonomikoan. Solve IMIn ponpen mantentze-lanean espezialistak gara eta askotariko irtenbideak eskaintzen ditugu, bezeroaren beharrizanen arabera.

PROGRAMATUTAKO MANTENTZE-LAN PREBENTIBOA

Ponpaketa-ekipoen funtzionamendu ona gorabeherarik gabe mantentzeko helburua duten jarduera guztien programazioan datza programatutako mantentze-lan prebentiboa.

Ponpaketa-ekipoen mantentze-lan egokiaren barruan sartzen diren zereginetako batzuk honako hauek dira: ikuskapenak, egiaztapenak, segurtasun-frogak, doiketak, kalibratzea, azterketa… laburbilduta, ekipoak aldiro ikuskatzea eta egon litezkeen hutsak detektatzea, eta huts horiek ekipoen funtzionamendu orokorrari kalte egin baino lehen, zuzentzea.

Mota horretako mantentze-lanari esker hau guztia bermatu ahal da: ponpen funtzionamendu hobea, ekipoen iraupen luzeagoa, konponketen kostu txikiagoa eta alfer-denbora laburragoak.

MANTENTZE-LAN PREDIKTIBOA

Hasierako etapetan ponpaketa-ekipoetan hutsak eta akatsak detektatzeko garatzen diren ekintza eta teknika guztietan datza mantentze-lan prediktiboa; helburua da eragoztea huts eta akats horiengatik matxura handiagoak sor daitezela eta ondorioz larrialdiko geldialdiak eta alfer-denborak gerta daitezela.

Detektatzeko teknikak askotarikoak izan daitezke, direla zentzumenen bidez hautemandako akatsak (zarata arraroak, erre-usaina, mihiztatzeen hutsak), direla saiakuntza ez-suntsitzaileak, adibidez parametroen, bibrazioen eta tenperaturen neurketa, olioaren azterketa eta ikuskapena…eta orokorrean, monitorizazio teknologikoarekin.

MANTENTZE-LAN ZUZENTZAILEA

Matxurak antolatu, kudeatu eta konpontzean datza mantentze-lan zuzentzailea.

Mantentze-lan zuzentzaileak ekipamenduetan ikusten diren akatsak zuzentzen ditu, eta horretarako matxurak aurkitzen, zuzentzen eta konpontzen dira. Azken batean, matxuratuta dagoena konpontzean datza. Solve IMIn baliabide propioekin egindako esku-hartze azkarra bermatzen dugu, matxurak sor dezakeen eragin negatiboa murrizteko.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies